منتدى تعليمي تربوي متنوع .... النجاح غايتنا والعلم وسيلتنا...
 
الرئيسيةالمجموعاتالتسجيلدخول
سررنا لتواجدك .. وسعدنا لحضورك .. وتشرفنا بتسجيلك .. وننتظر إبداعك .. كم أتمنى أن تسع صفحات منتدانا لقلمك.. ومايحمله من عبير مشاعرك ومواضيعك .. مرحبا بك بيننا .. في منتدى *ثانوية-الإخوة يسبع-*

شاطر | 
 

  ياحسراه عليك يا الدنيا.....فيك حكاية و حكايات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ضياء براهمي
ُمُـــشـْــرِ ــ فْ ــ
ُمُـــشـْــرِ ــ فْ ــ


الجنس : ذكر عدد المساهمات : 1264
نقاط : 1703
السٌّمعَة : 26
تاريخ التسجيل : 08/01/2011


مُساهمةموضوع: ياحسراه عليك يا الدنيا.....فيك حكاية و حكايات   الأحد يونيو 19, 2011 10:49 am

السلام عليكم صباح الخير عليكم

أنا يا خاوتي توحشت أيامات الصغر، كيفاه كنا مع المعلم الشيخ السعيد صيد الله يحفظو ان شاء الله و يخليه وكانت النية ما تتصورش كيفاه

نهار كان الكتاب بالاحمر والابيض برك والقسمة تقراها في السنة 5

مع الصورة الاولى للكتاب المدرسي نتاع زمان كان عندنا كتاب القراءة + كتاب الرياضيات وفقط


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]

و الفرونسي بديناها في السنة الرابعة ....ودراسة الوسط و التربية المدنية ......التاريخ و الجغرافيا في السنة الخامسة و السادسة ...خلاص حسينا رواحنا كبرنا و درنا إنجاز في حياتنا

ياحسراه ياذاك الزمان البنين...كان لما يكون الواحد يقرا في القراءة تشوفنا نتبعوا كامل معاه في الكتاب تخاف لو كان يقولك عمي السعيد كمل و ما تعرفش منين و تدي فيها تبهديلة و تصرفيقة ....ههه



الزمن الجميل..
أنا كي كنت نقرا كنت تلميذ مشاغب لما نرجع للدار تشوفني أمي بالكرطوشة معمر روحي يديا و الطابلية و الطبشور في راسي السيالة الخضراء في وجهي الكرطاب مقطع وربيحة كانت تسرق لي أدواتي المسطرة و الممحاة الجديدة و القلم ...و العشية كي نكون رايح نقرا جيوبي معمرين بالقرباعي ودايمن 5د في جيبي نشري الماييز و لا شعر البنات في الطريق و ان شاء الله ما تشوفنيش ربيحة ياربي باش ما تديليش و إذا كاشما واحد جاب ساعة جديدة و لا آلة حاسبة ههه " في ذاك الوقت ..العلمية" تلقى الناس كامل صحابو في هذيك العشية باش يشوفو واش عندو ....و السبورة شكون اللي يكتب عليها و اللي يكتب يبات قاعد في الليل من الفرحة و إذا قال لك المعلم روح للمعلم حسان في القسم لآخر و قولو...ولا جيبلي.....إيه تحس روحك شخصية كبيرة ، ونروحو كامل قبل الوقت باش نحكموا البلاصة الأولى في الصف و نحكموا لصحابنا ثاني وتاع بالون برك.. نهار كامل بالساشيات تاع الحليب نخدموهم بالونات ولستاد ديريكت هههههه
الماتش يلعبو فيه 50 واحد.. وماكاش لاربيت ..كان مول البالون هو اللي يحكم هههههههههه و يخير اللي يلعب و اللي ما يلعبش

والماتش مايخلاصش حتى يطيح الليل هههههه



ولا واش نقولك على الرسوم المتحركة لعشية كامل وحنا مع التلفزيون

[ندعوك للتسجيل في المنتدى أو التعريف بنفسك لمعاينة هذه الصورة]

النمر المقنع و باتمان و سبيد ريسر وماروكو...هههه و الله غير كانت الحلاوة في هذاك الوقت ، يوصل المغرب تحط لي أمي العشا وديراكت للفراش بصباطي و الطابلية و أنا راقد تجي أمي و تنحيهم لي ..... حتى لغدوة من هذاك يجيو ينوضوني باش نروح نقرا و نقوللهم أنا باللي المعلم قالنا ما تجوش " هذا الموال دايما مع الصباح " والدار علابالهم باللي نخرف برك ينوضوني بالسيف وامبعد نتقلق أنا و نزعف ويوليو يحللو فيا و أنا نزيدلها شوية زعاف وما نتحللهمش ونزيدلها شوية وحدوأخرى وامبعد يحكمني آبي بجيافة ويعيط في وجهي واش بيك و نشوف هذاك الكف جاي بالعقل يوصل لوجهي و ما يضربنيش أنا نقول و الله غير خلات نتكالمى و نعقال ونولي غير نحلل و "يوميا هذا الموال"



يا حسراه و الله غير كانت الدنيا حلوة في هذاك الوقت و ضرك كل شي تبدل ولات القراية ماهي قراية و القعدة ما هي قعدة و تخلطت كامل و السلاك ربي وسماطت الحالة ....نحمد ربي برك أني في صباي و صغري عشت نوع من هذيك الحلاوة، بلاك كي نتفكر يرتاح بالي و نحس بحنين لهذاك الوقت الزين...................





يا حسراه يا بكري ........ياحسراه







ــــــــــــــــــــــــــــــ >>> التَــــــوْقِــيـــــ عْ <<< ــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]


عدل سابقا من قبل ضياء براهمي في الثلاثاء يونيو 21, 2011 10:07 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://brahmi.alafdal.net/
ţћề ρЯїЙ๕Ệ
المــــشــرِف العــآمْ
المــــشــرِف العــآمْ


الجنس : ذكر عدد المساهمات : 2192
نقاط : 2982
السٌّمعَة : 10
تاريخ التسجيل : 20/08/2010
العمر : 23




مُساهمةموضوع: رد: ياحسراه عليك يا الدنيا.....فيك حكاية و حكايات   الأحد يونيو 19, 2011 11:36 am

يا حسراه يا بكري ........ياحسراه
شكرا لك اخي ...موضوع ارجعنا سنوات الى الوراء ...ذكرنا بوقائع الطفولة
تقبل مروري
سلام

ــــــــــــــــــــــــــــــ >>> التَــــــوْقِــيـــــ عْ <<< ــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]
عــنـــدمـــا يـــفـــهــمـــك الآخـــرون بــطـــريـــقـــة خـــاطـــئـــة ..... لا تـــتـــعـــب نـــفــــســـك بـــالـــتـــبـــريـــر .... فـــقــــط ادر وجـــهـــك واســـتـــمـــتــع بـــالـــحـــيــاة ..... فــمـــن يـــعـــرفـــك جــيــدا لــن يــخـــطـــئ فــــي فـــهـــمـــك أبـــداً
[size=24]
تأ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضياء براهمي
ُمُـــشـْــرِ ــ فْ ــ
ُمُـــشـْــرِ ــ فْ ــ


الجنس : ذكر عدد المساهمات : 1264
نقاط : 1703
السٌّمعَة : 26
تاريخ التسجيل : 08/01/2011


مُساهمةموضوع: رد: ياحسراه عليك يا الدنيا.....فيك حكاية و حكايات   الأحد يونيو 19, 2011 2:10 pm

بارك الله فيك أخي الأمير زدت الموضوع جمالا و إشراقا بإطلالتك البهية عليه سلامي الحار لك

ــــــــــــــــــــــــــــــ >>> التَــــــوْقِــيـــــ عْ <<< ــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://brahmi.alafdal.net/
samar
ـ عُ ــضْـو نشيــطْ
ـ عُ ــضْـو نشيــطْ


الجنس : انثى عدد المساهمات : 45
نقاط : 44
السٌّمعَة : 3
تاريخ التسجيل : 01/02/2011


مُساهمةموضوع: رد: ياحسراه عليك يا الدنيا.....فيك حكاية و حكايات   الجمعة يونيو 24, 2011 10:32 am

يا حسراه على هداك الوقت الشباب الله يخليك وشكون اللي فينا ما يحبش يولي وقت صغرو


ميرسي عليك ضياء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ضياء براهمي
ُمُـــشـْــرِ ــ فْ ــ
ُمُـــشـْــرِ ــ فْ ــ


الجنس : ذكر عدد المساهمات : 1264
نقاط : 1703
السٌّمعَة : 26
تاريخ التسجيل : 08/01/2011


مُساهمةموضوع: رد: ياحسراه عليك يا الدنيا.....فيك حكاية و حكايات   الجمعة يونيو 24, 2011 10:45 am

مشكورة سمر على مرورك الكريم على الموضوع

ــــــــــــــــــــــــــــــ >>> التَــــــوْقِــيـــــ عْ <<< ــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://brahmi.alafdal.net/
ضياء براهمي
ُمُـــشـْــرِ ــ فْ ــ
ُمُـــشـْــرِ ــ فْ ــ


الجنس : ذكر عدد المساهمات : 1264
نقاط : 1703
السٌّمعَة : 26
تاريخ التسجيل : 08/01/2011


مُساهمةموضوع: رد: ياحسراه عليك يا الدنيا.....فيك حكاية و حكايات   الأحد أكتوبر 09, 2011 12:49 pm

شكرا لكل من أكرمنا برد وأتحفنا بزيارة

ــــــــــــــــــــــــــــــ >>> التَــــــوْقِــيـــــ عْ <<< ــــــــــــــــــــــــــــــ

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://brahmi.alafdal.net/
 
ياحسراه عليك يا الدنيا.....فيك حكاية و حكايات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ثانوية شلالة العذاورة الجديدة -الإخوة يسبع- :: (¨`•المنتــديآت العآمـــــة•´¨) :: منتـــدى العـــــام-
انتقل الى: